இலக்கியச் சாரல்

சிறு புற்களும் அழகு  இமய மலையும் அழகு  சூரிய ஒளியும் அழகு எண்ணமுடியா நட்சத்திரங்களும் அழகு  இயற்கையின் அழகைக் காண்பதும் அழகு  அவ்வழகைக் காப்பதும் அழகு!! - உதயபிரகாஷ் 

உண்மையென நினைத்த செய்தி பொய்யென மாறிய பின்னர் கோபம் வருவது பொய்யின்மேலா உண்மையின்மேலா? - உதயபிரகாஷ் 

வாழ்வியலைப் புரிந்துகொள்ள இன்பமும் துன்பமும் இணைந்தே உதவுகிறது! - உதயபிரகாஷ்

சிறுதுளியாய்ப் பெய்யும் மழைத்துளியும் பூமிக்குத் தாகம் தீர்க்கும் அருமருந்தாகும். - உதயபிரகாஷ்

பகையென வேண்டாம் எவர் இடத்தும் பண்புடன் வாழ இன்பம் பெருகும் பல்லுயிர் ஓம்ப வளம் உண்டாகும் பற்றுடன் நடக்க நன்நட்பு வளரும் பின்னென்னத் தள்ளிவை ஆகா விருப்பம் புன்னகை காட்ட அன்பே மலரும்! - உதயபிரகாஷ்

நாவில் அழகிய தாண்டவம் ஆடுகிறாய் விரல்களின் நுனியில் சிற்றோவியம் தீட்டுகிறாய் காதில் மெல்லிய தென்றல் வீசுகிராய் எண்ணிய இடத்தில் கண்முன் தோன்றுகிறாய் பிறமொழி வாழ கொடையள்ளித் தருகிறாய் என்றென்றும் பைந்தமிழாகக் திகழும் செந்தமிழே! வாழிய வாழியவே! - உதயபிரகாஷ்